By Edith Kekuhikuhipuʻuoneoʻnaalikiokohala Kanākaʻole

E hō mai ka ʻike mai luna mai e

O nā mea huna noʻeau o nā mele e

E hō mai, e hō mai, e hō mai

(done three times)

ADAPTED FROM HAWAIIAN ANTIQUITIES, BY DAVID MALO

ONE: He mū ʻo ia
(PAʻI, PAʻI)

ALL: He mū!

ONE: He mū nā moe ʻinoʻino nā moemoeā nā pūnohunohu nā haumia
He mū ʻo ia
(PAʻI, PAʻI)

ALL: He mū! 

ONE: ʻEliʻeli
(PAʻI, PAʻI)

ALL: Noa!

ONE: Iā ē
(PAʻI, PAʻI)

ALL: Noa honua!

O ka lewa iluna ua paʻa ia he lani 

O ka lewa ilalo ua paʻa ia honua kele 

Mai ka lewa lani aʻe ka honua lewa 

He lewa E! 

-

Ē ke ao uli, hoʻopukalia mai 

Kīnohinohi e, kīnohinohi e, 

Aia hoʻi ua kīnohinohi e. 

2x 

Ē ka honua e i nahele la 

Kīnohinohi e, kīnohinohi e, 

Aia hoʻi ua kīnohinohi e. 

2x 

Ē ka moana e, i manu nō ka lewa,

 i iʻa nō ka wai 

Kīnohinohi e, kīnohinohi e, 

Aia hoʻi ua kīnohinohi e. 

2x 

Eō ke Kumuhōnua e!

KĀHEA

O wahi mai e Lono E!

KĀKOU

O wahi mai e Lono E!

O wahi o luna!

O wahi o lalo!

O wahi o uka!

O wahi o kai!

O Wahi mai e Lono e!!

(3x)

Eō Lonoikamakahiki!

E ke akua,

he pule ia e holoi ana i ka po’ino o ka ‘aina 

a me ke pale a’e i pau ko ka ‘aina haumia 

He pule ia e ho’opau ana i na hewa o ka ‘aina apau 

I pau ke a’e, me ke kawau 

I pau ke kulopia, a me ka peluluka 

I pau a hulialana 

A laila niho peku, ho ‘emu, huikala, malapakai, 

Kamauli hou i ke akua.

Oh divine,

This is a prayer to wash away all iniquity from the land,

to ward off and end the contamination of the land.

This is a prayer to end the mistakes done to all the land  

To end the rot and the decay 

So that the bitterness may be over. 

The ground will be covered with greenery, leaves and vines,

 and we may again offer our prayers of thanks to you for abundance.

Nā: John Kaʻimikaua

E Lono, Lono, ke akua e

Lono, Lono, Lono ke akua e

E Lono, Lono, ke akua e

Lono, Lono, Lono ke akua e

Ka papā o na lani e

E Lono, e Lono

Ka papā o na lani e

E Lono, e Lono e...

E Lono e, aʻo ka hōnua e

E Lono e, aʻo ka hōnua e

Ka makani e Lono e, e Lono e

Ka makani e Lono e, e Lono e

E Lono e, aʻo ka hōnua e

2x

He inoa nō, Lono ke Akua e!

NA TAUPOURI TANGARO

Ae, ahu wale pae ma nuʻu, o ka moana a Kanaloa

Mai lalo ʻo Kanaloa, i Kanaloa, i Kanaloa

A ka luna ʻo Kanaloa, i Kanaloa, i Kanaloa

Mai ka hema ʻo Kanaloa, i Kanaloa, i Kanaloa

A ka ākau ʻo Kanaloa, i Kanaloa, i Kanaloa

Mai ke kua ʻo Kanaloa, i Kanaloa, i Kanaloa

A ke ʻalo ʻo Kanaloa, i Kanaloa, i Kanaloa

Mai loko ʻo Kanaloa, i Kanaloa, i Kanaloa

A waho ʻo Kanaloa, i Kanaloa, i Kanaloa

Mai ka lipo ʻo Kapo, i Kanaloa, i Kanaloa

A ka lile o ke ao, i Kanaloa, i Kanaloa

A kau ke koʻa i ka piko o ka nuʻu o ka moku

Ahu wale pae ma nuʻu, o ka moana a Kanaloa……

He inoa…….